Әлихан Бөкейхан атындағы мектепте Жаңа жыл мерекесіне орай қоғамдық-гуманитарлық бірлестіктің ұйымдастыруымен мұғалімдер арасында “Екі жұлдыз” байқауы өтті.

Бұл шара ұстаздардың шығармашылық қабілетін шыңдап, ұжым арасындағы достық пен ынтымақтастықты нығайтуға бағытталды. Байқау барысында мұғалімдер өзара жұптасып, ән айтып, би билеп, түрлі өнерлерін көрсетіп, көрермендерді тәнті етті.

Қазылар алқасы өнерпаздардың шығармашылығын жоғары бағалап, ең ерекше жұптарды марапаттады. Шараның соңында барлық қатысушылар алғыс хаттар мен жылы лебіздерге ие болып, ұжымдық рухты көтерді.

Бұл байқау ұжым арасында көтеріңкі көңіл-күй сыйлап, Жаңа жыл мерекесін ерекше әсерлі етіп өткізді!